今次試咗$36香蕉朱古力醬班戟&8號風球$20
首先第一啖試咗佢啲cream，好漏又好膩，食完之後成個口都黐立立超唔舒服，香蕉就係正常香蕉，至少冇過期同腐爛，之後試咗佢嘅班戟皮以為會好啲，但結果好似食緊一塊膠嘅枱布咁，完全唔軟，又冇乜味道，成件事好難入口，仲要$36真係好貴
之後就試咗八號風球，係有八種唔同味道嘅雪糕，首先係芋泥雪糕，真係幾重芋泥味，味道亦都好真，第二個係檸檬味，食落都幾清新，唔係藥水味，第三個係薄荷朱古力，薄荷味好似牙膏，牙膏感覺嘅薄荷對我嚟講偏難食，第四個係芒果味嘅雪糕，偏綿滑嘅口感，芒果味好重，可以話係八個入邊我最鍾意嘅一個，第五個係芝麻雪糕，芝麻雪糕有粒粒嘅感覺，第六個係綠茶雪糕，綠茶味好濃郁，但又唔會太苦，第七個係益力多雪糕，食落都幾驚喜，又唔會太甜，第八個係雲呢拿雪糕，呢一款就係偏正常嘅味道。
1
成間嘢總結嚟講，可能只有雪糕係好食，班戟就一言難盡..
