彩晶軒

相比起樓下嘅客滿庭，彩晶軒點心做得比較精緻， 座位亦都比較寬敞，當然，價錢亦都比較貴啦。

蝦餃、燒賣你哋飲茶基本款，佢哋都做得好用心，比普通酒樓有特色。好似叉燒酥會加陳皮，春卷係迷迭香芝士春卷，唔係間間酒樓都有得食。佢哋會係燒賣上面加黑松露，雖然香味就唔算太突出，但係依然與眾不同，而且識落啖啖肉，絕對值得推介。

甜品方面，彩晶軒嘅選擇亦都非常多，有雙皮奶、焦糖燉蛋、心太軟等等。但係味道就相對點心失色，而且份量亦都唔多，一兩啖就可以食晒。

總括來講，彩晶軒比較適合想食得舒服而胃口比較細嘅食客。