牛站(駅)麻辣火鍋放題

营业中

休息中

📍旺角 牛站📍放工同朋友相約打邊爐，心心念念都想食牛站，諗起牛站有各式各樣嘅邊爐靚料就開心。最近留意到仲有任食大頭蝦！未收工已經開始期待。叫咗鴛鴦湯底，朋友好鍾意食辣，就叫一邊麻辣中辣，一邊椰子雞，因為我食唔到辣🥵。配料真係包羅萬有，有各款菜，鮮淮山，窩荀，粟米，蘿蔔，羽衣甘藍，仲有勁好食嘅冰菜！仲有不同丸，有企鵝丸好可愛，牛栢葉同水魷！😳牛肉都幾靚，牛味重，油脂分布平均，仲有幾款任君選擇。放題可以任食，可以試晒唔同款。個人最鍾意係牛板腱，肉味香濃，油脂豐富。一定要食呢一個紅糖糍粑，新鮮炸起，口感煙靭，裏面有紅糖做夾心，一次過食咗幾粒停唔到。甜品同飲品都有好多款任君選擇！