讚好台灣

营业中

休息中

好記得認識呢個品牌係因為住喺大圍嘅朋友經常都會黎黃埔食呢間台灣嘢。非常好奇究竟有乜嘢咁好，就搵咗晚同外父食個晚飯。星期五嘅晚上，高朋滿座，大概都估到係乜嘢質素，的確要講台灣嘢好食嘅又真係好出名，真係唔算好多間，相信人流已經證明咗一切。兩個人，一人一主食，外父點了豐盛牛肉麵，外父唔食辣，點了蕃茄湯，令我想起嘅係番茄師兄，呢度嘅蕃茄湯都幾濃，而呢個牛肉麵都好足料，成碗有好多件牛筋牛腩，佢差唔多食唔晒要打包咁滯。我要的紅燒牛筋湯麵，點了麻辣湯底都算幾辣，牛筋炆到係放入口即刻溶化個隻感覺。朋友D經常推的鹽酥雞，真心幾好食，炸得惹味又乾身，好脆又唔算過份地油。見佢炸野幾好食，酥炸花枝丸又點會差，點知更驚喜，睇埋個內涵你就知道童叟無欺。滷味拼盤中我個人喜歡滷大腸同蛋，唯一要彈嘅係唔知點解叫咗好耐差唔多食晒嘢主食先嚟，成餐飯嘅最大缺點。餐飲加幾蚊就有，熱檸檬紅茶同冰蜂蜜檸檬都唔係求其貨色，以紅磡黃埔區黎講唔算係小店，但係價錢親民又可以食到唔錯幾台灣嘢，怪不得外區客成日會嚟幫襯。