Boat Thai

营业中

休息中

openrice search 間野見倒有400 個正評，上到去又坐無虛席諗住無死啦今次，點知就奶曬野。首先嗌咗一杯椰子刨冰，成杯野係完全無味，飲落應該係椰奶撈碎冰已經心知不妙。重要夠膽死收你三十幾蚊。之後野食叫左蟹肉炒飯。蟹肉撈唔撈埋嚟炒就真係睇唔同餐廳做法。但你啲蟹肉可以完全無味就知係唔新鮮/ 罐頭貨色。最離譜係你個炒飯咁基本都做唔好，無味又濕，又無鑊氣。求求其三色豆加啲蛋花，上面鋪啲蟹肉就叫算。個碟底啲油多到可以倒出嚟，我真係分唔清啲飯嘅濕係水定油。老實講我真係好憎浪費食物，但今次真係完全食唔落。同埋我諗最浪費食物就係你間鋪本身，煮啲咁無誠意嘅野食出嚟。同行朋友菠蘿刨冰一樣係無味， 食咗佢碗船河啲肉丸咸過傻，肥牛咬極都咬唔開。全部都係伏。全餐飯有一樣野好，就係好在無嗌你啲小食晒錢。