前後可能有半年以上都留家工作
唔出門又唔想煮，更加唔想日日只食樓下茶記
好在多得距區團購，經常有不同地區美食可以試，日日轉款都仲得
今次試下大西北嘅榮少喇沙啦~~
首先一讚好怕呢d團購單多甩漏
今次remark轉全米粉&走青都做到晒
同埋d湯都無倒瀉，當日架車仲早咗好多到
拎到手係凍d，但google form一早remind可以煮返熱個湯，所以都ok
豬軟骨非常入味入口即溶，肉同米粉份量都唔少一定夠飽仲有半邊半熟蛋
反而湯真係少咗啲，同埋港式咗d，唔係唔好食但心中有落差
小食拚盤就比較出事，上面有提及架車早左好多到
湯米可以整熱，但炸物真係淋晒……變到一口粉同盒底好多油
建議下次可以盒面開個洞透氣，會無淋得咁快
