因為我自己都幾鍾意食花甲粉，特別係鍾意飲花甲湯，好鮮味！
將軍令海鮮花甲湯粉 - $68
(花甲清湯,金邊粉,走辣)
食材有：中蝦、花甲、豆卜、芋頭條、墨魚仔、黃芽白
花甲大概有8-10隻, 都係鮮甜嘅，但當然偏細隻，反而中蝦有驚喜鮮味十足仲有蝦膏添，但係你就要自己剝殼啦（懶人請留意）, 另一個有驚喜嘅食材就係芋頭條啊, 佢個芋頭係炸咗, 所以有少少外脆內軟, 好食👍🏻墨魚仔就普普通通啦！
#但令我失望嘅係個湯底，因為我食唔到個湯底係有海鮮味，因為我預期花甲粉，個湯應該好鮮味，所以我專登叫我清湯，唔叫蕃茄湯或者喇沙湯就係怕食唔到花甲嘅鮮味，但今日我真係試唔到好濃嘅海鮮味👉🏻👈🏻
如果個湯底係正嘅話，呢個花甲粉將會冇得頂!!!!
反沙炸豆卜 - $15 (追加價)
呢個真係好食喎，炸到豆卜好鬆脆，然後入邊個鯪魚肉就有少少彈牙又滑身，如果鯪魚肉味濃就正!!
我希望可以係個food court結束營業之前食到神石燒牛🤣
