難得初三都有開舖，即刻入去叫碗餐蛋公仔麵休息吓。店內有海鮮供應、小菜、亦都有茶餐廳經典麵食，包括自選雙拼公仔麵烏冬等🍜
去親士多就好想叫碗公仔麵，嗌咗佢哋嘅餐蛋麵，價錢大約$50 ，雖然比市區嘅茶餐廳收費較貴，但係以假期來講同埋東平洲嘅士多價格相比，已經係實惠之選👀
我哋仲嗌咗黑椒炒蜆、魚蛋、幾碗麵食。黑椒炒蜆，非常之夠鑊氣！雖然冇影到相，但係上碟嘅每一隻蜆都幾乎有蜆肉，吸收晒黑椒醬同埋辣椒嘅味道，非常之入味！
店內嘅環境都算開陽，亦都設有自家嘅廁所，當然設備就比較簡陋，整體來講都坐得舒適舒服，點解嘅服務態度都好友善🤝♥️
