影片
更多
2020-04-09
87 浏览
馬祖嘅藥膳雞湯令人印象非常深刻，知道佢喺荃灣開分店已經好開心，更驚喜嘅係新店以火鍋做主打，相信佢香濃嘅藥膳湯底用嚟打邊爐一定冇得輸。一人一鍋嘅概念喺呢個抗疫時期大派用場，店員會先喺門口為客人探熱，要求客人消毒雙手，並提供紙袋放口罩，令人感到安心。湯底有九款選擇，我同先生揀咗藥膳養生清雞湯同藥膳蟲草花桃膠雞湯，兩者味道相近，同樣足料，湯底非常香濃。個半鐘嘅火鍋放題以肉類嘅質素區分價錢，我哋揀咗價錢中上嘅美國SRF極黑和牛肩脊肉放題，除咗可以任食和牛肩脊，仲有西班牙黑毛豬，兩者質素都唔錯。和牛肩脊油花均勻，而且切得夠薄，煮十秒左右就可以享用，入口非常鬆化。黑毛豬半肥瘦，質感爽口，一啲肥膩感都冇，絕對唔輸畀和牛肩脊。除咗和牛同黑毛豬之外，仲可以自取其他食材，餐廳要求客人拎食材嘅時候要戴上口罩，非常細心。食材選擇豐富，擺放整齊，感覺乾淨企理。除咗一啲常見嘅火鍋料之外，亦有唔少具有台灣色彩嘅食材，例如米血糕、墨汁香腸同甜不辣。米血糕口感煙韌，帶有濃濃嘅糯米香，而且細細件，食多兩件都唔怕滯。本來以為只係普通嘅獅子狗，一咬落去先知原來係芝士竹輪，非常驚喜。除咗食材選擇多之外，飲品選擇亦非常多，除咗凍
一人一鍋嘅概念喺呢個抗疫時期大派用場，店員會先喺門口為客人探熱，要求客人消毒雙手，並提供紙袋放口罩，令人感到安心。湯底有九款選擇，我同先生揀咗藥膳養生清雞湯同藥膳蟲草花桃膠雞湯，兩者味道相近，同樣足料，湯底非常香濃。
個半鐘嘅火鍋放題以肉類嘅質素區分價錢，我哋揀咗價錢中上嘅美國SRF極黑和牛肩脊肉放題，除咗可以任食和牛肩脊，仲有西班牙黑毛豬，兩者質素都唔錯。
和牛肩脊油花均勻，而且切得夠薄，煮十秒左右就可以享用，入口非常鬆化。
黑毛豬半肥瘦，質感爽口，一啲肥膩感都冇，絕對唔輸畀和牛肩脊。
除咗和牛同黑毛豬之外，仲可以自取其他食材，餐廳要求客人拎食材嘅時候要戴上口罩，非常細心。食材選擇豐富，擺放整齊，感覺乾淨企理。
除咗一啲常見嘅火鍋料之外，亦有唔少具有台灣色彩嘅食材，例如米血糕、墨汁香腸同甜不辣。
米血糕口感煙韌，帶有濃濃嘅糯米香，而且細細件，食多兩件都唔怕滯。
本來以為只係普通嘅獅子狗，一咬落去先知原來係芝士竹輪，非常驚喜。
除咗食材選擇多之外，飲品選擇亦非常多，除咗凍櫃，另外仲有一個小小嘅暖櫃，放住溫熱嘅飲品，果然符合養生嘅宗旨。
雪糕選擇亦算多，除咗有Mövenpick之外，最驚喜嘅係連Dreyer's嘅甜筒都有，當然唔可以放過。
先生揀咗Dreyer's嘅比利時朱古力呍呢拿扭紋脆筒，而我就揀咗日式柚子扭紋脆筒，味道酸酸甜甜，仲有淡淡柚子皮嘅苦澀味，非常清新消滯。餐廳將最擅長嘅藥膳養生湯應用喺火鍋上面，配合優質食材，俾人嘅感覺非常好，相信會經常成為座上客。
张贴
