好多款鮮味、海鮮荷葉飯，最後揀咗餐牌寫嘅網紅推介，奄仔蟹荷葉飯嘅奄仔厚肉，只係蒜蓉略為重手咗啲，但性價比非常之高！
1
4
海鮮米線內有九款材料，好開心連魚塊都有，米線入味，份量又大，都係$80左右，可以二人分享，咁就可以加添多款小食一齊食多啲！
小食方面加推咗$28嘅章魚鬚，有兩串非常有咬口。蒜蓉帶子嘅帶子厚身有鮮味，$56兩隻抵食，多啲人仲可以$98嗌半打食，有小食又有串燒，一次過滿足晒幾個人嘅胃口！
另外都要提及飲品跟餐加$14左右，其中話梅檸檬茶個杯有二人份咁大，朋友點選嘅水果茶更係一桶份量，冇花冇假，夏日天時消暑一流！
