寿司九州市場

晚上同朋友近八點鐘到 我叫左兩個天婦羅盛 其間搵侍應催左三次單 轉埋外賣 等夠一個鐘 最後冇要到取消單就走左。 聽到其他枱都有追緊單。 係隔離間すき屋買個牛肉飯 五分鐘就出到餐，唔知自己等咩。 唔怪得間間鋪都咁多人排隊 呢間就可以直入。

本身晚市間鋪都多空位 又唔係坐滿人，上菜都咁慢。 同行朋友野食都係一碟 一碟咁隔好耐先上 食下停下咁，唔知係廚房唔夠人定係廚房佬玩野。

完全唔建議去食，除非你係預咗去坐返兩三個鐘 一次黎一兩碟既就可以去涼下冷氣。咁多位應該係預左每枱客坐返幾個鐘先走。