今次晚餐叫咗幾款人氣菜式，全部都好有驚喜：
·`♡· 自家製免治豚肉軟骨棒（$48）
呢款小食用咗北海道千歲產烏米豚製作，豚肉混入爽脆軟骨粒，咬落啖啖肉香又有層次，豚肉特別嫩滑，肉味濃郁，蘸埋蛋黃醬食，真係停唔到口，做前菜一流！
·`♡· 月見火炙左口魚邊丼定食（$128）
左口魚邊火炙到油香四溢，魚肉肥美，魚油滲晒入米飯，仲有沙律同麵豉湯，份量十足，食完勁滿足！
·`♡· 原條鰻魚定食（$148）
鰻魚蒲燒得剛好，外皮微脆，肉質軟嫩，醬汁甜香唔會蓋過魚鮮，配白飯一流，真係白飯殺手！
·`♡· 免治吞拿多士（$58）
多士烘到脆卜卜，上面鋪滿吞拿魚蓉混蔥粒，清新惹味，食落唔會膩，做小食最啱！
·`♡· 炸可蝦（$68）
蝦肉彈牙，炸衣薄脆唔油膩，加埋檸檬汁更提鮮，食完仲想encore！
除咗食物，店舖用嘅茶都好有心思，唔係普通茶，而係荔枝烏龍茶，入口有濃郁荔枝香氣，清新解膩，配日式料理一流，令人印象深刻。
埋單小計$450，加一服務費$45，總共$495，以呢個價錢食到咁高質素嘅日式料理，真係抵食！每款菜都睇得出師傅用心，食材新鮮，份量足，環境舒服，服務又好。下次一定會再嚟試埋串燒同鍋物，推介俾鍾意日式料理嘅朋友，荃灣搵食必去！✨
