泰玖 (已結業)

我今日去荃灣開大會，順道約同事去位於荃灣曹公坊5號地舖的泰玖食泰式午餐，環境舒適，坐得舒服。我點左個泰玖招牌海鮮炒金邊粉 $68，追加 泰式蒜蓉炒通菜 $25，餐飲係 新鮮椰青$28；同事點左個 無骨海南雞飯配油飯$55，追加 芒果糯米飯 $18，餐飲係 新鮮椰青 $28。泰玖招牌海鮮炒金邊粉賣相吸引，頂頭有魷魚和大蝦，金邊粉炒得香滑好味，有少少泰式辣味，增添惹味指數；泰式蒜蓉炒通菜好食，蒜蓉份量夠；同事好欣賞海南雞飯，話雞肉味濃又嫩滑，芒果糯米飯好味，新鮮椰青好清甜。