柚香茉芽🍊 $33
葡萄柚味道香濃，配上茉韻青翠茶香，清新開胃！我今次揀嘅係走甜少冰，味道會偏酸少少，但完全係可接受範圍！而且葡萄柚汁本身都有啲甜味，所以走甜可能仲比較啱香港人口味添！👍🏻👍🏻
春蘋米芳🍎 $38
蘋果味道清新，配上米芳烏龍茶，估唔到係咁夾嘅！飲品入面仲有爽脆水玉增加口感，成件事嘅感覺好啱夏天！呢一杯我一樣係叫咗走甜，本身蘋果汁都已經係甜嘅，所以即使走甜都唔會冇味唔好飲！
黑玉歐蕾🧋 $42
鮮奶茶非常醇厚，紅茶味偏濃一啲，比較貼近港式奶茶嘅味道～配埋 Q彈黑糖珍珠煙煙韌韌，口感十足！
總括嚟講，兩杯果茶特別有驚喜，價錢又唔貴，經過一定會再買🤩🤩
