1
❇️上湯鮮龍蝦伊麵
龍蝦啖啖肉，一食就知新鮮，而且無偷工減料😂配南瓜麵感覺新奇！濃郁南瓜蝦汁掛麵，入口麵質鮮彈，啖啖滋味，真心好滿足～
❇️大師傅傳統片皮鴨（半隻）
即席片皮鴨，皮香脆肉嫩，配埋薄餅、青瓜、京蔥同甜麵醬，層次豐富，鴨肉唔油膩，推介！
❇️頭抽銀絲炒小炒皇
蝦仁、魷魚片、腰果、韭菜花等配料炒得清爽，面料有脆口既銀魚仔；頭抽鮮香提升咗整體味道，好下飯之選
❇️金牌蒜香骨
排骨外層炸漿薄身唔油膩，夠香夠惹味，配埋香口炸蒜蓉，咬落酥脆，唔錯！
❇️健康炒六錦
各款時菜：西蘭花、木耳、芹菜、荷蘭豆，百合，山藥，大火快炒，新鮮爽脆，色彩繽紛
❇️宮廷杞子貴妃糕
層次分明，有淡淡桂花香，口感煙韌微甜，不會膩，好refreshing
❇️桃膠杏仁茶
杏仁味濃郁，桃膠滑溜，養顏之選。天氣熱飲返碗，超療癒。
❇️老薑番薯糖水
晚市附送既甜品，薑湯夠辣！好鍾意❤️甜度剛好唔涸喉，夠晒滋潤，而且蕃薯煲得夠軟林，適合做end note～
依度環境寬敞舒適，服務夠貼心，落單之後上菜速度亦理想，食物選擇夠多，價錢對比質素好合理，成個體驗緊貼現代中菜館氣氛
