長阪燒

营业中

休息中

上次喺旺角依間「長阪燒」食完Omakase Menu後，覺得幾高質，所以就想食下佢哋À la carte Menu菜式嘅質素如何。*此餐廳收取加一服務費。熟成三點盛（單點$288），熟成大拖羅刺身，色澤粉嫩，食落入口即化；熟成油甘魚魚腩刺身，肉質嫩滑，食落好新奇；熟成真鯛刺身，肉質晶瑩通透，食落魚味比較清淡。法國鵪鶉脾（單點$85），一打開蓋子，就聞到煙燻香味，自家製風乾18小時法國鵪鶉脾食落好Juicy，味道鹹香，配菜包括有日本青椒仔、櫻花蓮藕。鵝肝多士（單點$75），鵝肝食落油脂味濃，配以草莓、黑醋汁食用，可以解膩，多士口感香脆。日本雞皮串燒（兩串$52），自家製風乾18小時日本雞皮口感薄脆，食落不油膩，配以檸檬汁食用，味道更佳。豚肉卷蝦串燒（單點$45），表面鋪滿香草，豚肉食落帶點焦香味道，大蝦肉質爽口，味道鮮甜。豚肉蘋果卷串燒（單點$38），蘋果味道清甜，豚肉配以蘋果醬食用，味道清新。豚肉泡菜串燒（單點$38），表面鋪有韓式甜辣醬，豚肉食落肉味濃香，泡菜份量多，味道酸辣。豚肉椰菜仔串燒（單點$38），表面鋪有黑椒，豚肉食落好香口，略嫌孢子甘藍口感硬實、味道苦澀、帶有草青味道。