有時唔想返大陸，但係又想食正宗嘅四川重慶麻辣嘅話，我覺得方叔叔係一個好選擇🥰
因為佢個湯底可以揀鴛鴦鍋，有普通辣同埋重慶咁我就揀咗重慶辣+ 山珍菌鍋🍄
佢個菌鍋係0香精，自然香～勁似屋企煲嘅湯，所以忍唔住飲咗三碗🤣
近期佢哋做緊優惠！菜單菜品全線降價，可以大膽食！兼且全線免加一服務費！
-肉：美國牛板腱，紐西蘭精品羊肉卷🫔，藤椒鮮牛舌，小郡肝串串
-海鮮：美國桶蠔，鮮龍躉片，桂花蚌
-菜：田園菜籃，淮山條
-其他：鴨血，特色迷你燕餃，武隆苕粉
-飲品：洛神花鮮橙特飲，水仙烏龍檸檬茶🍹
個人特別推介藤椒鮮牛舌🐮平時啲牛舌都係圓形一塊塊！佢呢一隻係長條形薄片～但係食落去好彈牙好有牛味！
另外美國桶蠔都好推介！一黎新鮮，二黎同隻手一樣咁大隻🦪
另一樣覺得特別嘅係小郡肝串串🍢其實係唔知咩嚟所以叫😂食落去勁似大陸食嗰啲麻辣燙串，細細串停唔到😂
鴨血都正！有別於台灣鴨血～佢係好似一嚿嚿「林之之」咁，口感唔同，不過好好味！
最後一樣推介嘅唔少得係桂花蚌🧡真心其他餐廳嘅海鮮都冇呢度嘅新鮮！
