人和荳品廠

营业中

休息中

屹立銅鑼灣多年嘅老字號豆品店，左舖搬右舖後，鋪面寬敞闊落咗，而食物都大致上仍然保持到出品水準。煎豆腐係豆腐上面釀上一層鯪魚肉，煎到金黃。無論豆腐同埋魚肉兩面，都煎到脆，加埋甜醬或者豆瓣醬，香口之選。鹵水豆卜豆卜入面浸滿鹵水汁，入口時傾湧而出（小心爆汁）。每次嚟嘅必食之選。豆花豆花非常之滑，豆味還不錯。 本身有糖水，稍稍加黃味調調味已好夠甜。原味之外仲可以選各種其他味道，不過其實原味先係最食得到豆味嘅。留意豆花有凍同熱，所謂熱其實係室溫，而咁樣豆花先係最滑嘅。豆品之外，呢度嘅粥都係推介。