1
自家製手工薄餅 $183
首先叫咗一款自家製嘅10吋手工薄餅，有幾款口味可以選擇，最後揀咗鄉村黑松露雜菌薄餅，並加配羅馬沙律·溏心蛋，飲品就選擇咗荔枝紅茶。 羅馬沙律加入大量生菜和芝士，口感清新。薄餅有啲厚度，食落煙韌，加入大量雜菇同埋芝士，充滿黑松露香味，鹹香十足。
墨西哥手撕豬肉漢堡 $93
另一款主菜叫咗墨西哥手撕豬肉漢堡，加配餐湯及餐包，同樣飲荔枝紅茶。是日餐湯係羅宋湯，入面有唔少蔬菜。手撕豬肉漢堡肉質軟淋，加入蕃茄、火箭菜等唔同嘅配料，用上墨西哥式醬汁，味道微辣又惹味
椰香冬陰功燒蝦雞肉意大利麵 $178
叫咗一份椰香冬陰功燒蝦雞肉意大利麵，加配香脆番薯條，
荔枝紅茶。呢款意大利麵配料用上大蝦、雞肉、蔬菜，扁意粉質地煙韌，醬汁有淡淡椰香，略帶微辣。細長嘅甜薯條味道香脆，沾上醬汁食好夾
椒鹽百福硬豆腐煙燻菠蘿莎莎taco $68
呢款墨西哥taco，除咗常見嘅蕃茄粒、牛油果、 洋蔥之外，更用上百福椒鹽硬豆腐，硬豆腐外表酥脆，內裏軟淋，加上椒鹽和莎莎醬調味，隱約帶辣度，入口亦不失清爽，係一道令人耳目一新嘅菜式
