✨安格斯吉列牛套餐($368)
一點完個套餐 ，餐廳職員就放咗一個好有古色古香嘅吉列牛專用爐上枱，而爐面鋪上一層博博嘅油方便之後煎吉列嚟食。吉列牛表面有一層金黃色嘅吉列炸皮 ，內裏嘅牛肉仲係呈現着紅色，需要我哋自己用個爐加熱煎香佢
可能係用咗安格斯牛嘅關係，牛肉嘅味道非常濃郁，呢到嘅吉列牛認真唔錯
套餐仲包一個飯，炸物拼盤(吉列炸蝦,吉列蠔)，一份蟹子沙律同埋豚肉湯 ，有好多食物非常豐富！
✨安格斯牛肉壽喜燒定食($168)
牛肉壽喜燒係用熱辣辣嘅鐵煲上菜 入面有好多牛肉，蔬菜同埋我最鍾意嘅冬菇並係面頭放上一隻生蛋 ，冬天食呢一個壽喜燒真係好有幸福嘅感覺
埋單準備離開嘅時候，餐廳遞上兩份甜品俾我哋，係草莓乳酪，酸酸甜甜，非常不錯！
