TIRPSE

今日揀咗去尖沙咀K11 MUSEA嘅米芝蓮法國餐廳食午餐，環境摩登雅致，落地玻璃窗望住維多利亞港景致，坐得舒服又有feel，氣氛超relax，啱晒chill吓。餐廳服務貼心，入座時已經覺得好窩心。

布拉塔乳酪．蜜桃．無花果天婦羅．帕爾瑪火腿
無花果天婦羅炸得好香脆，帶出天然果甜，配埋綿密嘅布拉塔乳酪同鹹香嘅帕爾瑪火腿，口感層次豐富，清新唔膩，好啱夏日食。

鵝肝．竹笙．味噌
呢道鵝肝真係驚艷，入口即化，脂香濃郁得嚟唔會太膩，配搭焦糖鳳梨同腐衣帶嚟微酸平衡，好有心思，味道絕配，令人回味無窮。

炭烤伊比利亞豬肉．阿爾卑斯山蒜泥．蜜糖豆
豬肉選擇八成熟，肉質嫩滑多汁，慢煮鎖住鮮味，蒜泥醬濃郁帶勁，配埋蜜糖豆同芝士通心粉，整體味道飽滿豐富，好有滿足感。