經濟實惠車仔麵 Foodie_84等级42025-01-151K 浏览 关注 去朗豪坊睇戲,開場前去快食個晏先。我哋二人於是嚟咗附近個熟食市場食碗車仔麵。呢度$43有三餸麵連飲品,好抵食。我哋每人點咗6-7款餸,勁豐富,埋單都係每人70幾蚊。1我哋總共叫咗13款唔同嘅餸,分別有香草雞扒、菜肉雲吞、咖喱魚蛋、魚腐、魚皮餃、酸齋、生菜、紫菜,同埋香茅豬扒、魚片頭、魚春卷、滷水蛋、通菜、咖喱魷魚、咖喱豬皮,超級多餸選擇。其中我哋最鍾意香茅豬扒,調味惹味得嚟肉質都唔錯,唔會乾硬嚡,保持到啲肉汁。咖喱魷魚都入晒味,爽脆爽脆。滷水蛋都好入味,另外酸齋仲細心分開碟上,唔使撈埋啲湯一樣味。我哋兩個都揀咗加沙嗲汁,沙嗲汁甜甜地,香得來唔會辣,呢個湯底配上粗麵食正。食完之後飲埋杯嘢飲感覺好滿足,又夠飽。以上食记乃用户个人意见 , 并不代表OpenRice之观点。赞好分享經濟實惠車仔麵 海都車仔麵茶餐廳 https://s.openrice.com/QrLT0LuLP00检举 张贴 评分5味道4环境4服务5卫生5抵食用餐途径堂食用餐时段午餐