挽肉と米

終於俾我喺網上成功訂位，試到日本過江龍挽肉と米，真係好期待！
一入門口，店員帶我哋去自助機揀餐同付款，每人都要揀一個漢堡扒套餐。我哋叫咗兩個套餐加兩份沙律同一杯野飲，沙律比較普通，但主角漢堡扒就非常出色！
每個套餐有三件漢堡扒、一碗味噌湯同一碗白飯，白飯用秋田縣米，粒粒分明又有米香，仲可以免費添飯！漢堡扒煎得香口多汁，肉味濃郁，食落好滿足。對女仔黎講，其實食兩件扒已經夠飽，第三件就係幸福嘅挑戰！整體體驗好好，食物有水準，價錢又唔貴，值得一試！