林香檸手打檸檬茶 (天星碼頭)

味道其實唔錯，但呢個價錢一個細杯，個杯竟然有80%係冰同檸檬碎，實質飲到嘅茶可能得20%都冇，$28係超唔值！
而且唔知點解個頂要加張牛油紙冚住，支紙飲管篤落去要好用力，雖然話檸檬茶得好少，但紙飲管竟然可以喺我連嗰20%檸檬茶都未飲完，就已經爛咗。
膠杯蓋個督飲管位夾爛、吸入口個位又爛、篤到底個位又爛，基本上最後嗰幾啖我係要開杯蓋飲，仲要啖啖都俾啲冰頂住，有冇考慮過啲敏感牙齒嘅人嘅感受？！
一句講晒，飲一次就夠。