推開神秘暗門入場，環境優雅舒適，裝潢同服務一樣出色。服務都好貼心，每枱都有專人幫你烤肉。
8-Type, A5 Chateaubriand Seafood, Vegetables Set 和牛衝擊套餐
台灣操刀嘅日式燒肉其中一個特色係提供多款高質調味料及配料醬汁。當中有醃漬泡菜 Kimchi、明太子醬、黑松露醬、特製辣椒粉、油封大蒜、日式鹽蔥、鹽昆布。我自己就最喜歡呢度嘅自家製辣椒粉，辣得有層次，十分提鮮
晚餐由「紅塵紅提蜂蜜酒」開始。選用本地蜂蜜釀製，入口有蜂蜜香、回甘，有少少似梅酒。
前菜方面有我嘅favourite A5和牛他他配魚子醬加帕爾瑪芝士多士。呢個version加埋好多軟綿綿似飄雪嘅Parmesan 芝士，又帶嚟另一種風味。
美國厚切牛舌咬落爽彈Juicy。A5和牛牛小排油脂分布平均，烤過之後香嫩不膩。A5和牛金磚配蛋黃汁一啖爆汁，完美結合油香與蛋香。
嚟到呢度餐廳又送上香甜清新「巴樂氣泡烏龍茶」，清一清口腔解解膩。
除咗和牛燒烤仲有日本A5和牛刺身同埋呢餐我非常之喜愛嘅海膽和牛卷。今晚重頭戲係A5 Wagyu Chateaubriand，係牛肉之中嘅非常珍貴部位，肉味特別豐厚。今餐大部份牛肉都係以原汁原味冇有調味。而唯一例外嘅係最後一味牛肉醬漬封門柳，美國Harami牛胸腹肉經特製醬漬，非常惹味。
真理丼係必食推介：A5和牛牛他他加上海膽、魚子醬同黑松露醬，伴蛋黃、秘醬，海陸鮮味爆發，撈埋白飯一齊食，真係每口都層次豐富又帶住極致鮮味。超正！
甜品方面，有沖繩手工菠蘿和西瓜gelato，味道超天然消暑又新鮮。晚餐以「Kikusaki Plum Sake」同「大雪溪柚子酒」完美作結。
成餐飯嘅亮點係食材新鮮、配料多元兼有專業燒烤服務，下次必定要encore試埋相當抵食嘅Lunch Set … 仲有法式奶油生蠔同招牌「海王真理丼」，海陸雙拼令人驚喜！
104
1
