36
美極乾炒牛河份量足，牛肉滑嫩又夠鑊氣，食落份外滿足。
鮮蝦腐皮卷用新鮮腐竹皮包住鮮蝦，再即炸至外層酥脆，配埋喼汁～咬落鬆脆可口
鮮蝦韭菜角都係即叫即炸，外皮香脆，內餡蝦肉同韭菜份量足，味道新鮮。
懷舊豬肚燒賣係第一次見，豬肚大大塊但出奇地腍身，仲帶少少黑椒香，底層鮮蝦餡足料，真係幾有特色。
秘製醬汁蒸鳳爪入味又夠軟腍，食到停唔到口。
鮮蝦豆苗餃菜量超多，估計用咗菠菜，食落清新唔膩。
頂級鮮蝦餃皇皮薄餡靚，蝦肉爽口彈牙。
京式小籠包入面好多湯汁，皮薄唔易穿，配合豬肉餡食落多汁又滿足。
甜品方面推介正宗大良雙皮奶，真係有兩層奶皮，滑溜香濃，同朋友兩個人share一碗都嫌唔夠。
整體嚟講呢間酒家手工點心誠意十足，環境帶點懷舊風味，店員服務態度好親切。雖然位置偏少少，但都唔少人特登揸車嚟，交通近柯士甸站都方便。值得再encore！
