師傅企喺你面前即刻整俾你嗰隻～🤣
有時候食呢種高級嘢，硬係覺得有啲唔自在
因為服務真係太好太貼心🙏🏻
有專人負責介紹每一道菜
然後你有啲咩唔識或者有咩特別要求
又可以即刻同你面前嘅廚師講
而且成晚食嘢就好似睇表演一樣
每道菜都係藝術品
今次食咗N.28 Teppanki 嘅廚師發辦套餐
一入到去已經覺得好高級
前菜好啱打卡，有煙霧效果
原來係冷盤鮑魚+螺肉+蓮藕漬物
好開胃，一路食一路睇廚師煮下一道餸
每煮一道餸之前廚師都會俾我哋睇吓啲食材
特色鐵板蒸蛋都好好食，擺盤又有心思
有好多鮑魚粒同埋甜嘅鮑魚汁
下一味係淡水香魚
跟住嘅鐵板大蝦係我全晚最愛，好脆好好味
然後有一個沙律俾大家清一清
再嚟一個香煎海帶醬鮑魚配北海道粟米，好香好甜
跟住落嚟嘅鵝肝多士都好正，油香配上香脆多士
令人欲罷不能，最後仲有燒菠蘿酸酸甜甜
跟住落嚟有重頭戲，宮崎牛嘅鐵板壽喜燒
相比起傳統壽喜燒冇咁甜
和牛只係輕輕煎1秒就即刻拎上嚟，保留晒所有油香
入口即融化
然後仲有個炒飯同埋魚湯
一定包你食到飽～
最後食埋荔枝同埋紅豆雪糕～為呢餐劃上句號
呢個quality 人均只係$7XX
