係葵芳依類人多車多既區份，搵間坐得舒服少少、靜少少既餐廳真係有難度。
所以依到都算係繁忙巿區中既綠洲！
用深木色為主，搭配乾花做裝飾。
特別既係佢有唔少由日本購入既文具雜貨賣，
仲好多富士山product好可愛！
🔸鹽燒鯖魚青醬忌廉飯 $88
鯖魚夠大條，即叫即燒好香。
擺盤夠特別，打卡唔錯。
青醬忌廉汁唔會太膩，食到最後都唔會有滯既感覺。
🔸醉雞卷手撕雞伴麻醬喬麥麵 $98
醉雞卷夠入味，有枸杞子係面，唯獨份量只有三件。
喬麥麵上有手撕雞和青瓜絲，麵底夠凍。
撈麻醬食絕對係夏日之選！
🔸凍荔枝咖啡 $48 (套餐可享飲品減$15優惠)
咖啡味會較重，荔枝味較少，如果重返少少就好。
🔸蜜桃梳打 $45 (套餐可享飲品減$15優惠)
甜度剛好，杯底有一兩舊蜜桃仔。
正想表場依間小店cafe既同時，
才發現他們公告說要結業...傷心。
如果有興趣的朋友，趕快在8月12日前去吃啊！
當天會是最後一個營業日，晚上10點就會結束營業。
