之前堂食一直好想試佢個桂花蜜滑蛋叉燒飯，但次次都話賣哂，所以更加期待，覺得應該係好好食先會次次賣哂。
今次嗌外賣終於試到，不過真係超級超級超級失望，兜飯真係難食到一個點
，雖然係黃店，但轉左外賣之後咁難食，應該唔會再幫襯啦，又唔係平
外賣65再加運費15，賣單80蚊
1
首先個賣相普普通通，不過外賣我又唔expect佢可以擺得好靚既。
其次個飯唔熱，可能因為係外賣，咁我都無得怪餐廳既。
之後係味道，啲叉燒真係唔係好得，食落有味既不過唔好食。
滑蛋就中規中矩啦，無乜味，有蛋味囉。
個飯都唔係好掂，啲飯一粒粒散開，好似外國人煮既飯咁，個口感係一粒粒而唔係一啖啖
唔知你明唔明我意思，我覺得自己形容有d差
真係食左三分一就唔想再食了
1
感覺好浪費，但食完心情真係好差
希望鋪頭老闆見到可以改善下
