九份飽 (黃埔新邨佳富樓)

今日咁啱去黃埔見客，順便喺度搵食先～
行行吓見到一間裝修幾懷舊有特色嘅舖頭，原來係主打台灣菜，見咁耐都冇食過台灣菜嘅我就試一試啦！

一入到舖頭就好鍾意呢種氛圍，好復古好似返咗去舊陣時嘅台灣咁～

餐牌上有好多唔同嘅台灣小食或者滷肉飯～
價錢都係介乎於$30至$60左右 價錢都好親民😝

叫咗個細嘅滷肉飯 有別於其他嘅台灣餐廳
呢度嘅滷肉切得大粒少少 相比起肉碎 更加有口感
而且都好多汁 食落都好滿足

再黎海苔肉鬆芝士蛋餅 肉鬆嘅份量好多
一咬就流晒出嚟 好足料但食落一啲都唔會膩
去埋酸酸甜甜嘅醬汁好夾！