魚事者 (希慎廣場)

营业中

休息中

魚事者米芝蓮推介嘅小店。小店位於食物廣場內，食客自行到櫃檯購票，然後按號碼取食物。羅定魚腐、魚皮餃、牛丸芫荽魚麵白雪鱈魚湯配熱椰香波波奶$70魚皮炸得相當香脆，而牛丸大大粒，有肉味，又有肉汁；魚皮餃嘅味道係正常風味，口感彈牙，羅定魚腐大大件，口感軟乎乎，充滿魚肉鮮味，味道相當唔錯，芫荽魚麵就冇乜味道，但口感彈牙，好淡嘅芫荽風味，不過配上辣油，吊起原味味道又唔錯。椰香波波奶茶幾好味道，糖係自行按自己嘅甜度放糖，有淡淡的椰香，波波似蒟蒻嘅口感，奶茶口感香滑，唔會澀，亦都唔會苦。