米芝蓮必比登推介2025🌟, 仲要第三年喺素食展拎到專業評審獎, 連國際巨星發哥都幫襯過幾次！
主打自家石磨芝麻食品, 包括：黑芝麻雪糕、芝麻菲林卷、黑芝麻豆漿、石磨芝麻糊、黑芝麻醬等, 🈚️添加任何防腐劑, 純手工製作, 仲有各種健康芝麻小食。
今次經過又幫襯, 人氣太高所以預咗要排隊～ 極力推介黑芝麻軟雪糕🍦
🍦特濃黑芝麻軟雪糕
推介👍🏻 黑芝麻軟雪糕表面淋上石磨芝麻醬, 令黑芝麻味更濃郁🆙
雪糕好細滑, 帶沙沙嘅口感, 味道濃到好似食緊芝麻糊咁, 又唔會好甜, 每一啖都係濃濃嘅芝麻味！
🖤石磨芝麻糊
包裝碗可加熱, 冷/熱食都得～ 以自家純天然黑白芝麻製作, 經過多次慢磨而成, 芝麻糊質地香滑細膩, 芝麻味超級濃厚
🖤黑芝麻豆漿
推介👍🏻 有少糖同無糖選擇, 我揀咗少糖, 飲落好順滑, 芝麻味勁出！
🖤養生五黑芝麻丸
採用九蒸九曬黑芝麻製作, 香氣更濃, 有補氣養血、護腎烏髮等功效, 係養生滋補之選～
🖤黑芝麻醬
想品嚐到終極醇香黑芝麻味一定要買一樽！採用九蒸九曬黑芝麻, 以石磨破壁技術磨研, 芝麻味微苦醇厚, 質地幼滑, 用嚟搽麵包、整甜品都好正！
2
1
