1
翠舟蝦劃
呢個餸好啱夏天食，秋葵釀蝦滑，蝦滑爽口，秋葵爽脆，配上豉油，好清爽。仲要下低有蠟燭座住，食嘅時候全程都保持微暖。
蔥香脆皮烤鴨
烤鴨皮脆脆，皮下脂肪唔多，唔會油淋淋。肉質鮮嫩多汁，一啲都唔乾鞋，配上圍邊嘅蔥油同埋特製醬料，好惹味。
三色雞絲涼麵
呢個賣相好色彩繽紛，三種味道嘅涼麵配上口水雞味嘅雞絲，兩面伴上醬汁，辣得來又幾清爽。
土豆芝士塔
呢個撻係酥皮載滿綿綿仔蓉，係真材實料嘅薯蓉，上面上芝士醬同埋灑上香口煙肉，味道好好。
西湖雷峰塔
呢個係甜品，西湖塔賣相好精緻，啱晒打卡，佢係類似奶凍咁樣， Creamy幼滑，唔會好甜，係清新嘅甜品。
懷舊米漿
呢個米漿我都係第一次飲，一聽就知係養生飲品，熱熱嘅米漿有少少濃稠，充滿米香，少少甜，味道好易入口。
