旺記冰室 (建利大廈)

营业中

休息中

呢日出開灣仔做嘢，預計有排冇得食晏就諗住食大大份早餐頂幾個鐘。其實唔係第一次食旺記，見佢早餐有得食返佢個常餐。唔諗咁多就叫個火腿鮑魚公仔麵。佢個忌廉雞湯底唔係度度都搵得到嘅鮮味，配埋爽口掛湯嘅公仔麵perfect。個多士係麥包黎，鬆脆香口，仲有佢個招牌炒日本滑蛋嘅蛋香濃郁，用埋牛奶炒真係冇得輸。最後忌廉即磨咖啡，都係出面茶記飲唔到嘅香滑忌廉味，加上本身個啡夠香。就係旺記幾樣獨特嘅味道，抵佢由朝到晚都有人龍係出面。