南記粉麵 (新都城中心二期)

营业中

休息中

今晚放工喺新都城中心2期搵食，估唔到呢度都幾多食肆選擇，想揾間平平地嘅食個快飯，逛逛下見到南記粉麵，啱晒!唔知係咪Friday night，店內人頭湧湧，好在排咗一陣就輪到我叫餐。餐牌簡簡單單，都係嗰幾款選擇，不過我每次嚟都係獨沽一味，order我嘅摯愛酸辣大腸米線。比起其他米線店，呢度嘅湯底同配料都算足，尤其係酸菜，絕對唔會慳料。呷一口試試個湯底，微酸微辣，大腸份量都算足，不過比起以前，啲腸越切越幼身，好在仲keep到大腸嗰種獨有嘅味道，咬落煙韌得嚟又有啲嚼勁。我好快咁KO完碗米線，咁又完成今晚嘅晚餐嘞。比起其他米線舖，南記啲座位比較闊落少少，湯底配料唔會太削，價錢都算實惠，係差在小食選擇比較少。