金樂餐廳小廚

大前日(3-2-2013 Sun)染完髮,去埋山西刀削麵皇買蒜泥燻蹄後,就想買咕嚕肉返屋企,於是沿沙咀道行向寶石大廈方向行,行經新開o既2-2-2013開張o既米飯班煮,見有menu放o係門口,就揭開睇睇,見到有咕嚕雞球要$60.00,咁貴,唔買.

行經東江,見佢有咕嚕肉o既相,就入去問問,要$78.00.嘩!唔使咁誇張啊?

都係唔可以懶,要行返o黎呢間喇.o黎到只有兩枱客,正常啦,時間咁早.我就問有冇淨咕嚕肉賣?男店主話有,套餐$35.00.我話唔係要套餐,要淨餸.佢答有.我問幾錢?佢話有大有細,細o既好似$3X.00,大o既$45.00.我話要大.

咁就等啦,之後佢又問我要唔要湯?我問係咪送?佢答係.我又問係咩o野湯?佢答青紅蘿蔔湯.啊,咁要啦.

整好拎返屋企喇,呢兩盒o野好熱呢.

返到屋企打開o黎影先.

青紅蘿蔔湯

我先飲湯(因為屋企仍有湯,所以我唔畀爸爸飲喇),唔鹹,味道都算濃,除o左青紅蘿蔔外重有菜乾….呢個湯重係好熱,好誇張呢.

而咕嚕肉呢,

咕嚕肉

果然係大,大大盒,顏色好靚,食落,已經唔熱喇,除o左口感依然外,比第一次食到o既遜色啲,而且食到有少少辣味,點解會咁o架?唔通轉o左師傅?

而男友o黎食飯,我問佢覺得呢個點?佢答正常酸酸甜甜o既咕嚕肉.

其他:
我o係o度等o既時候,都一直睇餐牌,見到咕嚕肉套餐賣$35.00,平過我第一次買o既?而原來o黎o度都有咕嚕雞球,早知叫呢個啦.

第一次食評: http://www.openrice.com/restaurant/commentdetail.htm?commentid=2162742