店面座位不多,我係非繁忙時段來都要等咗15分鐘先有位,不過我見到店員一直都處理緊好多外賣單,咁就知道有幾受歡迎啦！雖然是小店,但係佢地都會用ipad📱自己落單,與時並進丫嘛！
🔮招牌椒積猪扒米線 $45
必食推介,炸椒鹽猪扒碎件上,猪扒醃得好入味,香脆可口,而且肉質鬆軟！我個人覺得唔放落湯就咁食可能仲好味！湯底同麵底都有唔同嘅選擇,我就揀咗猪骨湯底和米線;猪骨湯底味濃之餘配上店家嘅生蒜醬,有D似日式拉麵個湯底,再點個小辣,出乎意料之外的好味呀！果然係店家的招牌菜呀!抵佢咁招積😜
🔮蘿蔔牛肋條咖哩撈烏冬 $45
重口味既朋友不防試吓呢個配搭.香料咖哩,味道香濃又唔係好辣,烏冬煙煙韌靱,Q彈有口感；牛腩鹵牛味十足,熬咗半日,入口超軟熟,應該連老人家都食到,有點美中不足嘅係,唔知係唔係D白蘿蔔熬得耐太入味,有D過咸而且有渣,呢個就爭DD喇！
🔮八香牛𦟌 $38
好有港式風味既牛𦟌,厚切得來軟腍腍！上碟都幾大份,牛𦟌炆得好入味,略嫌花椒八角味太重,不過不失啦！
跟餐可加$10點個桔仔冰🍊
壹碗壹碟仲有好多made in Hong Kong 嘅食物, 誓要打造用心的香港品牌,店家係自家店面,網店 阿布泰 @abouThai ,同埋喺唔同嘅網上平台都有售賣自家產品（可以去店家個website睇,有寫到邊度有得賣）；乾拌麵,麻辣鴨血,自家醬料,手工啤,醉花茶,仲有好多勇士figure🦸♂️🦸♀️等等....真係好欣賞店家做飲食之餘,更將港人創意無限的精神,發揮至不同的生活用品之上
1
