榮華南洋冰室

因為早咗去到諗住食嗰間餐廳,佢要我一定要夠鐘先可以入座. 喺門口經過諗住隨便搵杯嘢飲下,打發30分鐘😅
坐低入面啲哥哥姐姐態度都好好,攞咗個menu畀我！ 咁就一人點杯嘢飲,我點咗菊花薑蜜,另外點咗一杯熱檸蜜,齋飲冇嘢食有啲齋,見到有咖哩魚蛋咁就點一下嚟配下嘢飲啦！ 個哥哥將碟咖哩魚蛋拎過嚟嘅時候我有啲驚喜😁好似法式咁樣嘅擺盤,中間係咖哩魚蛋旁邊有四片多士😚問哥哥點解會有多士嘅,佢話有客人提議佢唔好嘥咗啲咖哩汁,所以佢就配埋多士畀客人,咁可以食曬成碟嘅咖哩魚蛋,同埋舐埋啲咖哩汁,一滴都唔好嘥😁啲魚蛋幾多好睇彈牙嘅咖哩汁少少辣都幾香,果然用多士舐埋啲汁一滴都冇曬👍

咖哩魚蛋配多士

18

1