二兄車麵館 (已結業)

見好耐無食，又掛住佢地個蒸飯天氣凍凍地岩哂，除咗籠仔蒸飯、仲有炒粉麵飯，車仔麵等等。籠仔荷葉蒸龍躉片飯(一人份)即叫即整製作需時，要等15至20分鐘，籠仔底部鋪上荷葉，聞到啖啖嘅荷葉清香，份量十足，仲用上炒飯底，飯面上有蟲草花、蒜粒和雲耳，口感豐富又夠香 ！龍躉片都幾厚肉，好滿足啊！下次試下其他款式。星洲炒米份量亦不少，配料有蝦仁、叉燒絲、蛋、芽菜等等，鑊氣十足，炒得幾乾身，咖喱味又突出。凍檸茶大大杯，夠哂解渴。