諗住求求其其打個邊爐
反正出面打邊爐都$300+
覺得食海鮮抵啲
估唔到呢間啲海鮮唔係講玩笑
真心新鮮，隻蟹鮮甜到不得了
幾隻蝦仲生生猛猛識跳
生蠔大大隻，貝殼類冇得輸
老闆娘同店員都好細心
一坐低心諗風口位好似好凍喎
都未出聲，店員就即刻問我係咪好凍
已經拎住個遙控教緊風口位
去咁多間餐廳食嘢
真係從來都未遇過侍應咁主動咁細心
仲詳細解釋，放隻蟹先熬耐D，D湯會鮮甜D
食物煮幾耐，用咩火候
見你食到咁上下仲會自動幫你加小小水
見你食晒啲海鮮，就會自動上埋其他餸俾你
有隻大碗俾你放唔要嘅嘢
見差唔多滿就幫你倒垃圾，起碼倒咗三次
老闆娘好健談，見佢同隔離枱傾得咁開心
我哋都傾埋一份
難得仲可以感受到街坊食堂感覺
而家好少地方做到
食物好食，有服務，有質素，有人情味
小店難做，所剩無己，
大家多多幫襯，撐下小店
5
