今日我哋去咗張新記食晚餐，由於係朋友介紹，所以對呢間餐廳都充滿信心，於是帶咗爸爸媽媽嚟一齊食，
呢度有好多個唔同嘅套餐可以選擇，亦可以單點，我見到套餐有啲都做緊優惠甚至做到買一送一，喺銅鑼灣用呢個價錢能夠食到咁精緻嘅中菜，真係難得一見
呢度嘅老鴨湯真係值得一讚，用料非常多，呢個湯入邊除咗有花膠呢啲矜貴嘅食材之外，唔少得嘅就係鴨肉，鴨肉非常淋身，好入味！
之後就係前菜，呢個錢財叫做江南涼菜，係一個美味臘鴨舌拼撈汁海蜇頭，平時食鴨舌已經食到停唔到口，呢一個鴨舌真係食到津津有味，以海蜇頭亦都係出名涼菜之一，非常爽口
然後仲有一個龍井手剝野生河蝦仁，呢個蝦仁非常嫩，而且塗上少少油，特別香口，呢個蝦仁非常迷你，非常珍貴
最後有一個蝦肉小籠包，小籠包皮薄餡料多，首先啜一啖湯，非常鮮甜！
