鐵牛台灣牛肉麵

因為有一段時間冇食台灣嘢，所以之前有一日嚟到啟德玩就選擇咗呢一間台灣麵作為晚膳嘅地方。


以台灣麵店舖嚟講，呢間算坐得闊落及舒適，衛生好而且燈光充足，至於服務態度就尚算 ok。


我同另一位朋友就分別叫咗台灣牛肉麵(小辣嘅麻辣湯底) 以及金錢肚牛筋麵，另外再加咗花枝丸以及綜合滷味拼盤作為小食。個台灣牛肉麵味道幾好，不過份量略嫌少咗啲，同埋佢嘅小辣都已經係幾辣，如果大家唔食得辣就千祈唔好揀。至於個兩點份小食就中規中矩。


叫咗四樣嘢都唔使$300買單，價錢算幾平民化。