天下無雙

营业中

休息中

今日收工經過尖沙咀買面膜 見到有間車仔麵 醒起好耐冇食車仔麵 經過門口見到佢有個檸檬薏米水 佢吸引到因為唔係好多地方有薏米水賣 即刻入咗去 七點幾唔算好多人 即刻有位坐 一坐低發現原來佢有套餐 套餐可以跟嘢飲 咁我就梗係叫咗兩個套餐一個配檸檬薏米水 一個套餐係牛肉套餐入邊有牛腩牛柏葉牛筋再加咗隻滷蛋 牛肉味好香濃 同埋都滷得夠入味 而我同行嘅朋友就叫咗一個三寶套餐有魚蛋豬皮豬紅同蘿蔔再加多個水魷魚 原來呢度嘅水魷魚係好出名 我都食咗佢兩舊水魷魚發現真係好滑好新鮮! 下次你一定要再嗌佢個利賓納 因為今次飲咗薏米水，所以試唔到利賓納 佢個薏米水好香甜又唔會好重檸檬味，因為我喺出邊飲嘅檸檬薏米水通常好酸！ 總括而言，佢有套餐 幾平又好食 你好難喺尖沙咀搵到啲咁平又有水準嘅嘢食☺️