今日是我第一次過來買外賣，只想同大家分享我的真實經歷。我叫了兩盒菜肉雲吞 （$20 x 2)。我話其中一碗想分湯，短髪阿姨話要比多兩蚊買外賣盒，我話冇問題。跟住長髮阿姨就話不如分開用兩個大碗裝12隻雲吞同湯，咁樣就唔使加外賣盒錢。我話好提議，唔該晒
我喺度等雲吞嘅時候，順便買咗一串$12橙色墨魚鬚。長髮阿姨除了幫我淋上豉油，仲建議加少少辣醬會好味啲… 之後竟然叫我攞張抹手紙，呢個舉動十分窩心，因從未試過食street food會有人比紙巾
雲吞淥好，湯仲要有蔥花。短髮阿姨問好唔好加啲麻油入去，等啲雲吞唔會黐住爛晒。我梗係話好呀！唔該晒
呢間菜肉雲吞真係手工製作，食得出餡料新鮮同有薑汁，非常美味
我下次一定要再幫襯，試埋生煎包、蔥油餅 etc.
