Morokok (家樂坊) (已結業)

🌴今次去咗家樂坊樓上一間空中花園嘅泰式餐廳,門面好靚,入到去真係別有洞天,園林佈置,部分牆壁有彩繪,亦有戶外露天區,地方寬敞及酒吧區好適合一大班朋友飲下酒吹下水！🔥脆炸泰式手打蝦餅(3件)蝦餅炸得香脆,口感非常彈牙,點埋泰式甜酸醬更滋味十足！🔥招牌泰式火山排骨果然係打卡之選,店員上菜時仲會點火,好有氣勢！肉質嫩滑一絲絲配上酸酸辣辣湯汁同香草食好惹味,我哋一舊接一舊食, 食到停唔到口😍🔥泰式炒扁意粉配軟殼蟹賣相好靚,蛋包住炒得乾身嘅扁意粉,,味道酸酸甜甜好開胃,炸軟殼蟹食落香口,伴以芽菜及花生碎,味道層次好豐富！💸適逢Morokok六週年,餐廳做緊六折優惠,由即日 ,全天候(早午晚),不過唔包括套餐同期間限定餐牌,優惠期直到另行通知!