10
🐔 沙嗲雞串
一上枱就聞到碳烤香味🔥，真係香到忍唔住立刻開動！雞肉外脆內嫩、肉汁飽滿，嗲醬香濃滑順，花生味唔會太重，甜中帶鹹，越食越香。每啖都有炭香加上微微焦香，好似喺曼谷街頭現烤出嚟咁，推介指數💯！
🍜 和牛船麵
湯底色澤深但清澈，香料味濃郁，飲落微酸微甜好開胃。和牛片軟腍入味、仍保粉嫩色澤🐮，炸豬皮同肉丸增加咬口，一碗入面層次好豐富。每啖都食得出湯頭心機，真心唔輸泰國當地！
🔥 醉貓炒河
呢碟真係鑊氣爆棚🔥！寬粉煙韌滑身，炒得乾身入味，每條粉都吸晒醬汁精華。蝦肉爽彈🦐，配料有洋蔥、紅椒、芥蘭、蛋等，辣味香而唔嗆，炒得香口又惹味。醬香、蒜香、蛋香全部黏住粉條，越食越停唔到口，超正！💥
🥬 飛天通菜
通菜翠綠爽脆，蒜香超濃郁🧄，加上微辣調味，簡單但好有水準，完全係泰國街頭風味。
🥭 芒果糯米飯
芒果香甜多汁、糯米軟糯香滑，椰漿濃郁但唔膩，配上脆豆添層次，一啖糯米一啖芒果，好滿足～💕
🧋 泰奶＋龍眼冰
泰奶香濃順滑、甜度啱啱好；龍眼茶帶淡淡果香🍯，清涼解膩，係完美收尾。
😋 總結：
味道正宗又細緻，食材高質又新鮮。沙嗲串碳香爆棚🔥、辣炒河粉鑊氣十足💨，每樣都好有驚喜！價錢以中環嚟講合理（約$500/2人），環境舒服又有街頭感。下次一定會再返嚟試多幾款～🇹🇭✨
1
