老媽拌麵 (信德中心)

真係超級耐無食過老媽拌麵喇，忍唔住手買左個外賣攞走食。

川味紅燒半筋半肉牛肉麵，選用四川陳年豆瓣、大紅袍花椒、濃醇牛骨湯製作湯底，味道獨特，飲落麻香兼備，牛筋口感滑身、有咬口，牛腱口感軟腍，食落好入味，關廟刀削麵口感爽滑，可免費加麵底，配料包括有紅蘿蔔、白蘿蔔、辣椒、小棠菜。

燙青菜，份量多，生菜配以香蒜、甜醬油食用，味道簡單、惹味，食落好新鮮，口感爽脆。

阿里山高山冷泡茶，茶味濃厚，味道清香、唔苦澀。