翠華餐廳 (欣榮商場)

营业中

休息中

叉燒肥瘦相間，舊舊厚切，燶邊焦香，蔥花滑蛋蓋飯，配個濃稠蜜汁豉油醬，賣相同味道都相當岀色。碗飯上枱個樣係靚過餐牌張相，怪唔知個名叫神之叉燒飯。 記住加碟菜，翠華油菜係我係茶記食過最高質素的！白灼菜心苗配蒸魚豉油，認真說比酒樓做的高幾班，色澤同口感都一流，豉油調得好好味。焗芝士西蘭花小朋友會喜歡，有拉絲芝士、車厘茄、粟米、白汁。甜品：超感應芝士奶蓋阿華田西多，完全冇過甜，奶蓋微咸，西多士脆邊入面係蘸滿蛋汁金黃色，華田粉有混合脆脆唂咕味勝於甜味，未切開奶蓋已經「感應到」要像熔岩般流動～高度推薦。翠華經典：生磨蛋白杏仁茶，每次都會飲，蛋白份量足料，杏仁茶底味道天然，濃淡適中，入口舒服。