先講黃金炸魚皮 ，賣相靚，啱啱炸起熱辣辣，口感夠脆，不過咸蛋黃味偏濕，期待中嘅“邪惡香味”未算好爆，但已經算出色。小炒王 算係最穩陣嘅一味，炒得乾爽，材料落得夠，但鑊氣就差少少，如果味道再立體啲會更出色。
至於薑蔥銀雪魚煲 ，香味好吸引，魚夠滑身，但個煲嘅味道有啲保守，薑蔥味唔算好突出，略嫌欠少少衝擊感。 就表現不錯，外層反沙夠乾爽唔黏牙，芋頭粉糯香滑，甜度剛好，有驚喜。
總結：新店開張仲有調整空間，味道未至驚為天人，但見到想做好嘅誠意，整體算係不錯。之後如果再稍微調味同火候再執靚啲，會更加值得回訪。
