由細到大，搭輕鐵經過一定會俾佢棵椰子樹吸引，但都係去咗中學畢業之後，先識得跟朋友去食呢間餐廳。
每次，我都係同我中學朋友食，根乎變咗我同中學朋友的專屬飯堂，由東講到西，由工作講到八掛
春卷同埋蝦餅炸得非常香脆利口，熱到一唔小心就好易辣親個嘴，而冬陰功亦都好好味，酸得來好開胃，唔會過辣；本身我食得辣，所以全部嘢我都覺得唔辣，但我有位唔食得辣的朋友就話果碟青木瓜鳳爪沙律好辣，呢樣就見仁見智啦，因為我覺得好好食
最後，仲有彩蛋——餐廳有位姐姐見到我着住件波衫，話我身型好似跑步教練，問我是咪做開運動
雖然好想講大話話自己係教體育，但我當然冇講大話啦！我只是有keep 住跑步啫！呢排是巴黎奧運周，大家記得要多做運動、強身健體，操fit 自己再食好嘢
1
